ضيّعوا الورقة
برّات البيوت  |
يا إمي ضيَّعوا الْورقة نِسوني وْجَدَّدوا الفِرْقة مِتِلْ عِمْنَوِّلِ بْقِلِِّك لَسِنْة الْجايي رَح نِبْقى * * * يا إِمِّي ضَيَّعوا الطَّاسة عَ صَحْنون دَحْرجوا راسي أنا الْما عْصيتِكِ وْيمكن عَ قَدِّ مْحَبِّتِي عاصي * * * يا إِمِّي مو ذَنِبْ عيني مَوَاسِمْ بينِكِ وْبَيْني إذا بْتِتْمرِّي بِكْفوفِكْ أَكيدِ بْتَعْرِفي وَيْني * * * ما فيِّيْ سَكِّتِ عْروقي قَصَبْ أنّاتو عَ شْروقي صدى الرّاجِعْ خَنَقْ صَوْتي تَلِج بيْشَعِّلِ حْروقي * * * يا إمِّي لا دَهِر باقي وَلا بيِخْلّدوا وْراقي دَرُوا الغِرْبان بَحْصاتي وْطَريقِ الرَّجْعة لو لاقي |
| full article | source | 19 reads | |